輕鬆集結號——搿個地方“黑黜黜”個

原創 海上夢疊 海上夢疊

我是丁迪蒙，上海大學文學院中文系教師，國家級普通話測試員，從事語言教學四十餘年。在學校教授現代漢語、對外漢語教學法、文化語言學、普通話語音訓練、上海話和海派文化以及書法、漢字書寫技巧等課程。

2000年開始致力於上海話的教學和推廣，曾經是上海人民廣播電臺“輕鬆集結號”欄目上海話板塊的特約嘉賓。

從今天開始上傳的這些上海話和上海文化的內容，是我在2012年開始在電臺“上海閒話”板塊中，以互動話題為具體內容，以上海話語詞為線索，聊聊上海話的語言魅力，並彰顯上海文化的豐富多彩。對老上海人來說，她是記憶和回味；對新上海人來說，則是學習、體驗、感悟。

其中三分之一內容曾經收錄在《妙趣橫生上海話》（上海大學出版社）裡，現用滬語寫出，並由我主講。

連線主講：丁迪蒙

儂曉得上海閒話裡向形容黑個、暗個詞語有阿里一些伐？

今朝，阿拉就來聊聊搿只話題伐。

主要有得：暗洞洞、暗濛濛、暗黜黜、暗孛溜秋、墨出裡黑、黑洞洞、黑骨隆冬、黑鐵墨託、黑漆墨通、黑孛落作、黑孛隆冬、黑黜黜、黑魆魆、黑禿禿，等等。

我們來看例句：

搿地方暗洞洞個，嚇人倒怪個。

暗洞洞個山洞，勿要去走。

天還暗濛濛唻，介早出去做啥啦？

天暗濛濛個，大概要落大雨了。

搿搭暗黜黜個，走路老嚇人個，慢點走。

暗黜黜個地方有得壞人個。當心點。

搿個地方暗孛溜秋個，哪能勿開只燈個呢？

伊麵暗孛溜秋個，儂先過去開只燈。

搿搭哪能墨出裡黑個啦？做啥勿開燈啦！

墨出裡黑，啥物事也看勿見。

黑洞洞個地方勿要去，有得壞人個。

哪能路燈也沒個啦，黑骨隆冬個，嚇煞脫人。

今朝夜裡黑鐵墨託，星星、月亮儕嘸沒。

搿種黑漆墨通個地方勿好去個噢！

勿好到黑孛落作個地方去。

濃一家頭辣黑孛隆冬個地方坐勒海做啥？

伊麵黑黜黜個，儂要過去先要開燈。

到夜底頭山裡向黑魆魆個，動物儕要出來了。

伊麵黑禿禿個，嘸沒啥好看個。

黑黜黜、黑魆魆、黑禿禿，意思差勿多個，儕有人講，也儕可以講個。因為語音勿同，就可以有勿同個選擇。此地，就可以曉得，方言詞語個形象搭仔豐富，遠遠叫勝過通用語。

原標題：《輕鬆集結號（滬語版）—— 搿個地方“黑黜黜”個》