樹頭徛予在，毋驚樹尾做風篩

無產群族體做為一個族群族體拍算已退出歷史舞臺……

大厝邸？是大厝第抑是大厝底？

阮是有故事的“邸”。

大厝邸？借問一下：大厝邸，只個邸字，本地話安怎讀？

閩南本地話確實著卜用“底”，不而過阮家族亇人因為只桗古早厝受了真濟苦難，因為伊族人予人看亇真無，身份真“下”，受“低”（下）待遇，抴勿會著姥，猶佫著卜“抵”予別人，家族亇人無想卜佫予別人踏佇下“底”。只桗古早厝佇縣佮市文物也無予人普查著，無予一寡人看上目地，連一個碗糕“底”都無。請毋通一直究考具體本地話亇讀音。

……

本地話讀音是真正亇本地文化源頭。

……

有時需求無平樣爾爾。

汝也無講毋著。

……

阮社裡有一個所在叫大厝頂，是一個社裡有厝上懸亇所在。頂、底只是講地勢懸下爾爾，無啥物其他意思。阮社裡佫有一個所在叫埭仔下，只個所在相對較下（低）。只號名無代表㑑並別人地位較下……

本地人著有本地文化自信，無，會予人看衰潲！蠻南本地族群，佗一個無歷史？佗一個無艱苦過？佗一個無落氣過？

大厝是予㑑人歇岫予㑑徛的所在，㑑人佇遐徛運命如何共大厝無底事，有的人拄著痞字運，無考慮人的緣由，去怪伊徛的彼桗厝，只款的理路傷過勉強。㑑俗語咧講，“樹頭徛予在，毋驚樹尾做風篩”真有道理。